Co inicio do 2023 convocarase un gran congreso, organizado pola Asociación Galega de Xestión Deportiva coa colaboración da Consellería de Presidencia, Xustiza e Deporte, a Deputación Provincial da Coruña e o Concello de Santiago de Compostela, que reunirá a federacións e clubes. Este congreso terá lugar o 17 de marzo en Santiago de Compostela, co fin de analizar e debatir as necesidades do Terceiro Sector do Deporte. Por este motivo, convidámoste a participar en dito evento e, a través deste breve cuestionario, enviar as túas propostas que servirán para dar un enfoque adecuado ao contido programático do congreso. 

Os datos obtidos a través deste formulario empregaranse para afinar o programa do evento, así como para ter en conta as características do público interesado no mesmo (tipo de entidade, tamaño, organigrama, etc.) co obxectivo de que o congreso sexa o máis específico e apropiado posible. Ademais, tamén se utilizarán (baixo consentimento explícito) para comunicar á entidade a apertura do prazo de inscrición e toda a información relativa ao congreso.