Christian Tetzlaff, fiolin og musikalsk leiar
- Johannes Brahms: Fiolinkonsert
- Robert Schumann: Symfoni nr. 2
I dei siste åra har KORK undersøkt korleis det er å spele utan dirigent. Med spelande konsertmeister som leiar, har dei med hell framført fleire store verk, som til dømes symfoniar av Brahms og Sibelius. Ein som har latt seg fascinere av dei makelause musikalske resultata, er den verdskjende tyske fiolinisten Christian Tetzlaff. Han er ein av verdas absolutt beste fiolinistar. Det er difor ein aldri så liten sensasjon når han har spurt KORK om å få lage ein konsert med dei. Da skal han sjølv vere solist og leiar i den mektige og vakre fiolinkonserten til Johannes Brahms. Han skal òg leie orkesteret frå konsertmeister-plass i Symfoni nr. 2 av Schumann, eit av romantikkens store meisterverk.
Dette blir ei av haustens største og mest interessante opplevingar.
